Osasunak Alavesi bidalitako 450 sarrerak ordu batean agortu dira
Larunbat honetan Sadarren Osasunak eta Alavesek jokatuko duten derbiari begira, 450 sarrera bidali zizkion talde nafarrak arabarrari, eta ordu bat baino gutxiagoko tartean agortu dira.
Alavesek larunbateko derbirako zituen 450 sarrerak ordu bat baino gutxiagoko tartean agortu dira. Sadarren, 18:30ean, izango da partida, eta giro paregabea espero da. Honen adibide izan da hainbatek gaua Mendizorrotzan pasa dutela sarrera bat lortu ahal izateko.
Txartelak 09:00etan jarri dira salgai, eta 10:00ak baino lehen ez zen bakar bat ere geratzen. Asko izan dira sarrera gabe geratu direnak, baina Iruñean egunean bertan erosteko aukera ere izan lezakete.
🔵⚪️🔵 Gran expectación en la Tienda de Mendizorrotza para conseguir las entradas del derbi contra @CAOsasuna en El Sadar #AupaAlavés pic.twitter.com/5hSYX8tWx6
— Deportivo Alavés (@Alaves) November 2, 2016
Gogoratu beharra dago bi taldeek, Realarekin batera, akordio bat sinatu zutela haien arteko euskal derbietan sarrerak 25 eurotan saltzeko.