Garaipen itzela lortu du Alavesek Vila-Realen aurka
Ligako talde indartsuenetako baten aurka eta haren etxean lortu du Alavesek gaurko garaipena. Jaun eta jabe partida osoan zehar, lehen zatian bereziki, Alavesek urrats oso sendoa eman du gaur 0-2 irabazita. [Estatistikak]
Beste behin ere egin du, Alavesek nagusitasunez lortu ditu hiru puntu Vila-Real indartsuaren etxean. Partidaren lehen ordulaurdenean bere egin du erabat partida talde arabarrak eta 0-2koa ezarri du markagailuan 17. minturako. Lehena 8.ean Ibai Gomezek sartu du eta 10 minutu pasatzerako Camarasak partida erabakita utzi du.
Hurrengo minutuetan sendo jardun du talde arabarrak eta atsedenaldira partidaren jabe eginda joan dira. Bigarren zatian Vila-Realek ez du asmatu Alavesen joko apurtzen eta larritasun handirik bizi gabe bete dira 90 minutuak.
19 puntu ditu talde arabarrak eta beste partiden zain, bizpahiru postu igo ditzake sailkapen nagusian.