Heavy metala izango da Bermeoko Gorefest zinema jaialdiko protagonista

Zinemaren «alde ilunena» gogoko dutenek hitzordua dute gaur Bermeon, Gorefest jaialdiaren 17. edizioarekin. Aurten, protagonista bereziak ikara eta heavy metal musika izango dira, antolatzaileek adierazi dutenez.

Zinemaren «alde ilunena» gogoko dutenek hitzordua dute gaur Bermeon, Gorefest jaialdiaren 17. edizioarekin. Aurten, protagonista bereziak ikara eta heavy metal musika izango dira, antolatzaileek adierazi dutenez. Horrela, film laburrak eta zinema alternatiboa izango dira ikusgai Spookypheria Productions elkarteak antolatutako jaialdian eta, 20.30etik aurrera, hamar film labur emango dituzte Nestor Basterretxea aretoan. Aurretik, herriko kaleetan «giro heavy ikaratsua» sortuko dute eta, 23.00etatik aurrera, film luzeen saio bikoitza ikusteko aukera izango da. «Sorpresa» izaera ez galtzeko, ez dute iragarri ze film emango duten.