Tourra Euskal Herrian da, eta nabari da

Euskal Herrian erabakiko da Tourra, eta honek nazioartean izango duen oihartzuna aintzat hartuta, Euskal Herria aldarrikatzeko parada hartu dute hainbatek. Ikurrinak, Seaskaren aldeko banderak, euskal presoen etxeratzea eskatzen dutenak… nabaria da lasterketa euskal errepideetan barrena dabilela.

Tourra euskal errepideetan dabil, eta nabaria da gainera. Larresoro du euskal komunitateak zentro neuralgiko, baina Senpere eta Ezpeleta artean nonahi ikusi daiteke euskal sinbologia.

Esaterako, eta Tourraren karabana abiatu denerako, ‘Basque Country’ lelodun plastiko zatiekin zeuden dekoratuak errepide bazterrak. Seaskaren aldeko edota euskal presoen etxeratzearen aldeko banderolak ere ikus zitezkeen.

Tourraren karabana Euskal Herrian#tourraehn pic.twitter.com/DYmbqkghEy

— Tourra ehn (@Tourraehn) 28 de julio de 2018

Behin lasterketaren karabana publizitarioa igarora, mosaikoa egin dute Tourra EHn eragileak deituta. Ehunka lagun elkartu dira France 2 telebista katearen zueneko irudietan geratu da jasoa.

Mosaikoa osatzen ari gara!#tourraehn pic.twitter.com/8Zy4i6nqZc

— Tourra ehn (@Tourraehn) 28 de julio de 2018

.@France2tv telebistaren irudiak. Erlojuaren kontrako etapa Lapurdi gaindi. Larresoroko pentzean Euskal Herria aldarri. Esataria euskara, euskal kultura, bere historiaz harro dagoen herriari gorazarre eginez. #tourraehn #youareinthebasquecountry pic.twitter.com/oeQOmxhWeB

— Maite Ubiria (@Maite_Ubiria) 28 de julio de 2018

Lasterketa abian da dagoeneko –12.00etan abiatu da lehenengo txirrindularia–, eta Tourraren beraren errealizazioan ere agerian dira ikurrina eta abarrak.

Well, it's definitely not flat. 
Une chose est sûre, ce n'est pas un CLM tout plat ! #TDF2018 pic.twitter.com/w7Lkd8qOPQ

— Le Tour de France (@LeTour) 28 de julio de 2018

Lasterketako esatariek ere, betiko frantsesaz gain, euskara darabilte ahoan kontakizuna egiterakoan.

 Agur @Letour !
Today we speak both French and Euskera in Espelette! 
Aujourd’hui on parle français et basque à Espelette ! #TDF2018 pic.twitter.com/Oq0ya7UttM

— Le Tour de France (@LeTour) July 28, 2018