Athletic, herritik sortu zinalako maite zaitu herriak
Sekulako harrera jendetsua egin diote Athleticen autobusari. Giro beroa ere San Mames inguruetan, zaleek badakite Granadaren kontrako partidaren garrantzia eta taldeari indarra emateko gogotsu daude.
Gaizka Garitanok behin eta berriro aipatu zuen gutxitan jokatzen direla Kopako finalerdiak eta zaleen bultzada behar dutela Granada gainditzeko. Andaluziarrak ez dute Bartzelonaren ospea, baina talde sendoa dira eta aurkari gogorra. Kanporaketa martxoan erabakiko da Granadan. Hala ere, Athleticen zaleek taldea hauspotu nahi izan dute San Mamesera iristerakoan.
Joan den astean jende andana elkartu zen eta oraingoan ere ikusgarria izan da. Piratak taldeak antolaturiko ekimenean inoiz baino bengala gehiago erabili dituzte. Goizean azaltzen zutenez, 120 bengala piztu dituzte Athleticen autobusari harrera egiteko. Aurreko astean 70 bat izan ziren.
San Mames inguruan zaleek harrera beroa eman diote Atheticeko autobusari bengala eta oihu artean.
— Malcolm iXa (@ideiazabaldu) February 12, 2020
Ikusgarria! pic.twitter.com/YRa8fFTkW4
Gure unea iritsi da!! #BiziAmetsa #AthleticGranada 女 pic.twitter.com/DCmhnMDLDK
— Athletic Club (@athletic_eus) February 12, 2020
Ez da partida aurreko ekimen bakarra izan. San Mames inguruak jendez gainezka daude eta giroa bero dago. Iñigo Cabacas Herri Harmailak bertan behera utzi behar izan zuen Pozas kaleko topaketa. Joan den astean baimen eta neurri guztiak bete arren, Ertzaintzak isunak jartzearekin mehatxatu baitzien, antolakuntzatik kanpo bengalaren bat piztu zelako. ICHH-tik argi utzi nahi izan dute «beti» betetzen dituztela eskatzen dizkieten segurtasun neurri eta baimenak.
Oztopoei erantzunez, sare sozialetan eta watsap-aren bitartez Pozasen elkartu eta San Mamesera kalejiran joateko mezuak zabaldu dira azken orduetan, «herritik sortu zinalako, maite zaitu herriak» eta «ICHH-k ezin badu egin, herriak egingo du» lemapean.
Athletic zaleak gogotsu daude San Mames inguruetan pic.twitter.com/aGeezjbOQV
— manex altuna (@manexaltuna) February 12, 2020
Goazen!!!!!!!!!!!!!! pic.twitter.com/fKIj9LUTFe
— ☠ Piratak Athletic ☠ (@PIRATAKGUGARA) February 12, 2020