135 hildako Estatu frantsesean azken 24 orduetan, beheranzko joera jarraituz

25.815 pertsona daude ospitaleetan, eta 3.819 zainketa intentsiboetan. Aldiz, 50.784 lagun sendatu dira orotara.

Estatu frantsesean 135 pertsona hil dira Covid-19ak jota azken 24 orduetan, Osasun Ministerioak igande honetan jakitera eman duenez, eta horrek esan nahi du aurreko egunetako beheranzko joera jarraitzen duela.

Epidemia hasi zenetik 24.895 pertsona zendu dira, horietatik 15.583 herrialdeko ospitaleetan eta 9.312 egoitzetan, Osasun Sailak ohar baten bidez jakinarazi duenez. Larunbatean 166 pertsona hil ziren eta ostiralean, berriz, 218.

Igande honetan 25.815 pertsona daude ospitaleratuta Estatu frantseseko ospitaleetan koronabirus infekzioagatik, bezperan baino 12 gutxiago; eta 3.819 zainketa intentsiboetan, hau da, 8 pertsona gutxiago. Sendatu, berriz, 50.784 lagun sendatu dira.

Ministerioak nabarmendu duenez, birusak zirkulazio txikiagoa izan du herrialdeko hiru departamentutan (Gers, Loire Atlantique eta Mayenne), eta, horri esker, maiatzaren 11tik aurrera deskalatzea hasi aurretik jasotzen duten kalifikazioa aldatu ahal izan dute departamenduok.

Praktikan, Hexagonoko mapan identifikatzen dituen kolorea aldatu da hirurentzat, laranjatik berdera, eta kolore hori erabiliko da bertan konfinamendua kentzeko neurri osagarri zenbait baimentzeko.

Ia kostalde atlantiko osoa, baita Estatu frantseseko hegoalde osoa ere –Ipar Euskal Herria barne–, jada berdean daude. Aldiz, Hexagonoko iparraldeak eta, bereziki, ipar-ekialdeak, Parisko eskualdea barne, 12 milioi biztanle baino gehiagorekin, gorriz jarraitzen duen bitartean.

Olivier Véran Osasun ministroak ohar bat bidali du datorren astean herritarrek konfinamenduaren arauak bete ditzaten; izan ere, horrela ez bada, eta gaixoen kopuruak «handiegia» izaten jarraituko balu, deseskaladaren hasiera atzeratzea erabaki lezake.