Hermes jainkoaren buru handi bat agertu da Atenasko erdi-erdian

Hermes jainkoaren neurri handiko buru bat aurkitu dute Atenasko erdi-erdian, Greziako hiriburuko kale jendetsuenetako bateko estolderia berritzeko lanetan ari zirenean. Eskultura honek 2.500 urte izango ditu seguruenik.

Grezian ostiko bat eman eta iraganeko artelan bat ageriko dela esaten ohi da. Horixe egiaztatu dezake igande honetan Kultura Ministerioak jakitera eman duen albistea, Hermes jainko mezularia, heldutasunean, irudikatzen duen burua 1,30 metroko sakoneran aurkitu dutelako Eolu kalean, San Irene elizatik gertu eta Monasterioko plaza enblematikoaren ondoan. Hau da, Atenaseko bihotzean.

Lehen ikerketen arabera, zutabe baten zati bat da izan daiteke, irudia Alkamenes eskultorearen Hermes Propileoaren tankerakoa baita.

Bitxiena zera da, Alkamenesen Hermes Propileo horren kopiarik baino ez dela gorde gaur egunera arte. Pergamon aurkitutakoa, gaur egun Istanbulgo Antigoaleko Gauzen Museoan dago gordeta.

Hermes Propileotik aparte, Alkamenesi Artemisa jantzi bat eta Louvre museoan dagoen Ares Borghese izeneko kopia bat ere esleitzen zaio. Eskultorea Fidiasen ikaslea izan zen; hau da, Antzinako Greziako eskultore ospetsuenaren jarraitzailea. Fidias margolari eta arkitekto izan zen ere, lehen greziar klasizismoko garaikidea.

Itxura guztien arabera, eta beti ministerioaren arabera, Hermes jainkoaren burua Alkamenesen lan originala da, ziur aski K. a. IV. mendearen amaierakoa edo K. a. III. mendearen hasierakoa.

Aurkikuntza egoera onean dago, eta berehala eraman zuten Atenasko Antzinateko Eforatoko biltegi batera.