A-8ra sartzeko tunel bateko panelak erori dira Barakaldon, hiru pertsona zaurituz

N-637 errepidetik A-8 autobidera sartzeko tunel bateko panelak erori dira Barakaldon. Ondorioz, hiru autok talka egin dute, hiru pertsona zauritu dira eta bederatzi kilometroko auto ilarak sortu dira.

N-637 errepidetik A-8 autobidera sartzeko tunel bateko panelak erori dira ostiral honetan Barakaldon (Bizkaia). Ondorioz, hiru autok istripua izan dute eta hiru pertsona zauritu dira. Hortaz gain, ezbeharrak Getxoko Romoko biribilguneraino heltzen diren auto pilaketak eragin ditu.

Lakuako Segurtasun Sailak jakinarazi duenez, ostiral honetako 13.15ak aldera, N-637tik A-8rako sarbidea ematen duen tunelaren zati bat erori da, Kantabriako noranzkoan. Ondorioz, erorketaren unean bertatik igarotzen ari ziren hiru ibilgailuk istripua izan dute eta hiru pertsonak zauri arinak jasan dituzte.

Larrialdi zerbitzuek ospitaletara eraman behar dituzte hiru zaurituak. 15.15etarako garabiak lanean ibili dira kaltetutako ibilgailuak errepidetik ateratzeko, beraz, bederatzi kilometro inguruko auto pilaketak sortu dira.