Ostegunean hasiko da hondartzen denboraldia Bizkaian eta Donostian
Donostiako eta Bizkaiko hondartzen udako denboraldia ostegunean hasiko da, irailaren 30era arte. Kontxan kabinak berritu dituzte eta bainatzeko eremuan baliza berriak jarri dituzte eta Bizkaian bainu lagundua uda osora zabalduta hasiko da denboraldia.
Datorren ostegunean, ekainak 1, hasiko da hondartzen denboraldia Bizkaia osoan eta Donostian, irailaren 30era arte. Donostian hondarra mugitzen aritu dira jada, baliza berriak jarri dituzte eta Kontxako aldagelen berrikuntza lanak amaitu dituzte. Bizkaian, mugikortasun arazoak dituzten pertsonentzako bainu lagundua lau hilabetez emango da zortzi hondartzetan.
Donostiako Hiri Mantenimenduko zinegotziak, Miguel Angel Diazek, azaldu duenez, Kontxako kabinen lana 460.000 euroko inbertsioarekin egin da. Esan duenez, erabiltzaileek «hormetan, sabaietan, zurak imitatzen dituzten paneletan, dutxetan eta baita eskuragarriago jarri diren ile-lehorgailuetan izandako aldaketak antzemango dituzte».
Kabinen ordutegia 09.00etatik 20.00etara da, ekainean eta irailean, eta 20.30era arte luzatuko da uztailean eta abuztuan. Kabinetarako azken sarrera horiek itxi baino ordu erdi lehenago izango da
Bestalde, olana eta eguzkitakoak ekainaren 15etik irailaren 15era arte erabili ahal izango dira. Gaur egun, Kontxan, eguzki-oihal guztiak okupatuta daude; Zurriolan, 240 daude guztira, eta 78 daude libre; Ondarretan, berriz, 98tik 26 karpa daude libre. 198 eguzkitakoak okupatuta daude, eta 424 olanak ere bai, mugikortasun arazoak dituzten pertsonentzat gordetako bi izan ezik.
Sorospen zerbitzuak deboraldi osoa iraungo du 10.00etatik 20.00etara izango da, iraileko azken hamabostaldian izan ezik, orduan 10.30etik 19.30era izango baita. Mugitzeko zailtasunak dituzten pertsonentzako lagundutako bainua Kontxan egingo da ekainaren 15etik irailaren 15era bitartean.
Bizkaian, lagundutako bainua
Bizkaian, lerritasun nabarmenena lagundutako bainuaren zerbitzua handitzea izango da. Iaz 3 hilabetez eskaini zen, uztailaren 1etik irailaren 30era bitartean –2021ean baino hilabete gehiago izan zen–, eta aurten denboraldia hasten denetik aktibatuko da, ekainaren 1etik, osteguna, lau hilabetez.
Gainera, Gorliz eta Bakioko hondartzak zerbitzu hori izan ohi zutenei gehituko zaizkie: Arena, Ereaga, Plentzia, Laidatxu, Isuntza eta Arrigorri.
Istripuen Prebentzio, Sorospen eta Laguntza Zerbitzua Bizkaiko hondartza guztietan osatuko dute 154 uretako soroslek eta koordinazio lanak egingo dituzten beste 15 pertsonek.
Denboraldi honetarako, gainera, Aldundiak hondartzetan 85 dutxa (333 ihinztagailu), 76 iturri/garbigailu, 7 iturri eta 2 eserleku jarri ditu desgaitasuna duten pertsonentzat, 367 plataforma pitzatu eta 2.049 metroko zurezko pasabidea. Hareatzek 481 paperontzi eta hondakinak biltzeko 144 bidoi izango dituzte.