PSNk Geroa Bairekin egin du gaur bilera, 23 parlamentarik babestuko luketen gobernua osatzeko asmotan dabilela berretsi du Maria Chivitek, EH Bildu bazter utzita. Independentisten zerrendaburuak, Bakartxo Ruizek, «politika fikzioan» aritzea egotzi dio PSNri, lehendakari izendatzeko ez ezik, legegintzaldian gehiengo nahikoa izateko EH Bildu ere beharko duela gogoraraziz. Nafar Gobernurako ez, baina herriz herri PSN eta EH Bildu hizketan ari direla baieztatu du.