Bost afixa hautatuak erakutsi dituzte gaur, lehenengoz, Baionako Euskal Museoan, eta hauei buruzko azalpenak eman ditzute egileek. (Patxi BELTZAIZ)
Charline Pichot baionarrak olinpiar jokoetan inspiratu du afixa, bestetan ere gisa ezberdinetako diziplinak garatzen direla erakusteko : lasterketak, dantzak, pilota, espartin jaurtiketa… (Patxi BELTZAIZ)
Janick Tanguy angeluarrak, «zortzi urtez gogoetatu» ondotik, inozotasuna eta modernotasuna uztartu nahi izan ditu, bestaren alde alai eta bihotz onekoa lehen lerrora ekartzeko. (Patxi BELTZAIZ)
Alfredo Leon Manu nafarra, jadaneko afixa lehiaketaren irabazle izandakoa, kolore biziekin ausartu da, eta bestan zeharreko istoriotxo bat kondatzen du islatzen den pertsonetako bakoitzak. (Patxi BELTZAIZ)
Bordelen grafismo ikasle den Faustin Ducassouk, berriz, ttipitatik bizi izan dituen kantu, balore eta tradizioen uztartzea izan ditu oinarri, esku bidezko marrazki estiloan. (Patxi BELTZAIZ)
Pauekoa den Sophie Couradesek besta giro atsegina islatu nahi izan du, nagusiki zuri-gorritan, hiriko besten kolorean. Musika tresna anitzak zein dantzariak ikus daitezke, giroaren erakusle. (Patxi BELTZAIZ)
Baionako besten afixa lehiaketa 2024
Baionako Besten edizio berria iragartzeko lehian izanen diren bost afixak ezagutarazi dituzte otsailaren 2an, hiriko Euskal Museoan. Bozketak eguerditan ireki dira eta otsailaren 18a arte izanen dira zabalik. Internet bidez bozkatu behar da eta afixa bakarra hautatzen ahal da.
FEB. 02 2024
