Ia igeri, lasterka behar zuen lekuan
Munduko Atletismo Txapelketa ari dira lehiatzen Txinan eta luzerako emango duen irudia Rolanda Bell Panamako korrikalariak eman du. 3.000 metroko oztopo lasterketan estropezu egin eta buruz erori da jauzi egin beharreko tarte batean. Etsita hitz egin du lasterketa amaitzean, inoiz ez dela aurrez erori eta nerbioen ondorio izango zela, agian. Minik ez du hartu behintzat eta gaitzerdi. Rio de Janeiroko Olinpiar Jokoak ditu orain begibistan, arantza kentzeko aukera.
AUG. 24 2015