2008ko abuztuaren 30ean irten zen Martuteneko espetxetik Arnaldo Otegi. (Jon URBE | ARGAZKI PRESS)
Konfrontazio irekian zen ezker abertzalea estatuekin urte horietan. Irudian Arrasate, Isaias Carrasco hil dutela salatzeko mobilizazioa eta paretean hauteskundeetarako boikot deia. (Juanan RUIZ | ARGAZKI PRESS)
Salbuespen egoeraren adierazle, Baltasar Garzon epaileak Ino Galparsoro Arrasateko alkatea espetxeratzeko agindua eman zuen. (Jon URBE | ARGAZKI PRESS)
2008ko urtarrilean atxilotu zituzten Mattin Sarasola eta Igor Portu, torturaren izatea denen begitara agerian geratu zen euren atxilo aldian.
2009ko martxoko hauteskundeetan D3M hautagaitza legez kanpo utzi zuten ilegalizazio aldiari jarraipena emanez. (Gari Garaialde | ARGAZKI PRESS)
Nafarroan PSOEren babesarekin Miguel Sanzek presidente karguari eutsi zion 2007an, PPren babesarekin Patxi Lopez jarri zen lehendakari Lakuan 2009an. (Luis JAUREGIALTZO | ARGAZKI PRESS)
2009ko apirilean desagertu zen Jon Anza eta urtebetera agertu zen bere hilotza. Zantzu guztien arabera Poliziak atxikita izan ostean. (Juan Carlos RUIZ | ARGAZKI PRESS)
2007ko prozesua eten zenean, Alfredo Perez Rubalcabak 200 militante abertzale atxilotzeko mehatxua egin zuen, eta bete. 2009an 764 presorekin itxi zen.
«Independentziarako estrategia eraginkorra» behar zela esan zuen Arnaldo Otegik belaunaldi ezberdinetako militanteek babestuta, 2009ko martxoan. (imanol OTEGI | ARGAZKI PRESS)
Iruñeko Anaitasunan, 2009ko maiatzean, gerora ezker abertzalearen aldaketaren gakoak izango zirenak iragarri zituen Otegik. «Irabazteko anbizioa», «herriagan konfiantza» eta indarrak biltzeko beharra azpimarratu zituen. (Jagoba MANTEROLA | ARGAZKI PRESS)
Urte bereko urrian atxilotu zituzten ‘Bateragune auzia’-n gerora zigortuko zituztenak. Aldaketa eten nahi zuen Espainiako Estatuak. (Andoni CANELLADA | ARGAZKI PRESS)
Aldaketaren zioa ulertu eta manifestazio anitz eta jendetsua izan zen aste horretan bertan Donostian, atxiloketen aurka. (Luis JAUREGIALTZO | ARGAZKI PRESS)
2009ko azaroaren 14an, Altsasun, ezker abertzaleak «prozesu baketsu eta demokratiko batekiko konpromisoa» adierazi zuen. (Juanan RUIZ | ARGAZKI PRESS)
Bi hilabetera ETAk, «ezker abertzaleak hitz egin du eta ETAk bere egiten ditu hitz horiek», esan zuen, aldaketa baieztatuz. (<a href="http://www.naiz.eus/dossiers/lineadeltiempo">TimeLine</a>)
Ezker abertzalearen barne eztabaidaren emaitza, ‘Zutik Euskal Herria’ aurkeztu zuen Batasunak 2010ko hastapen haietan. (Andoni CANELLADA | ARGAZKI PRESS)
‘Lortu arte’ goiburupean akordio estrategikoa sinatu zuten Eusko Alkartasunak eta ezker abertzaleak. Gerora Alternatiba eta Aralar elkartuko ziren indar bilketa horretara. (Luis JAUREGIALTZO | ARGAZKI PRESS)
2010eko irailean Gernikako Akordioa sinatu zuten, konponbiderako urrats komunak iragarriz. (Luis JAUREGIALTZO | ARGAZKI PRESS)
Ezker abertzaleak legez kanpo jarraitzen zuen, 2011ko otsailean Sorturen estatutuak aurkeztu zituzten, legeztatzean urratsa emateko. Urtebetetik gora luzatu zuen Espainiako Estatuak baiezkoa. (Luis JAUREGIALTZO | ARGAZKI PRESS)
2011ko maiatzeko Udal eta Foru hauteskundeetara aurkeztu zen Bildu. Azken orduan jaso zuen parte hartzeko baimena, gau majikoa izan zen Bilboko Areatzan. (Jon HERNAEZ | ARGAZKI PRESS)
Hego Euskal Herrian lehen indarra izan zen Bilbu zinegotzi kopuruan. Donostiako alkatetza eta Gipuzkoako Foru Aldundia hartu zituen, besteak beste. (Gorka RUBIO | ARGAZKI PRESS)
ETAk hainbat urrats eman ostean, Aieteko Konferentziak konponbiderako bide orria izan zuen fruitu, Kofi Annan buru. (Raul BOGAJO | ARGAZKI PRESS)
![Hiru egun beranduago, ETAk borroka armatuaren amaiera iragarri zuen. Irudian, GARAren biharamuneko azal berezia. [<a href="https://goo.gl/vgawW6">2Bideo-agiria</a>]](/media/asset_publics/resources/000/267/048/media_highlight_responsive/022.png.webp "Hiru egun beranduago, ETAk borroka armatuaren amaiera iragarri zuen. Irudian, GARAren biharamuneko azal berezia. [<a href=\"https://goo.gl/vgawW6\">2Bideo-agiria</a>]")
Hiru egun beranduago, ETAk borroka armatuaren amaiera iragarri zuen. Irudian, GARAren biharamuneko azal berezia. [<a href="https://goo.gl/vgawW6">2Bideo-agiria</a>]
Ipar Euskal Herrian garapen handia izan du bertan adostutako bideak, bakearen aldeko aldarria Pariseraino eramanez. Irudian bide honen aitzindari, 2012an kolore guztietako politikariak elkarrekin Baionan. (Gaizka IROZ)
Hego Euskal Herrian eta Espainiako Estatuan, aldiz, blokeoa izan da erantzuna. Horren adibide, Aietetik gutxira, Espainiako Kongresuan bide orri hartaz aipamenik egiten ez zuen adostasuna PNV, PP eta PSOEren artean.
Presoen eremuan emandako blokeoa izan da Estatuak prozesuak Euskal Herrian aurrera egin ez zezan baliatutako bidea. (Jon URBE | ARGAZKI PRESS)
197/2006 dotrina azkenean Estrasburgok bota zuen behera, dozenaka urte espetxean ziren hainbat militanteren irteera ahalbidetuz. Irudian 2013ko urriaren 21, ebazpen baikorra jakin berritan Bilbon. (Marisol RAMIREZ | ARGAZKI PRESS)
Preso eta iheslariek euren bidean urratsak emateko konpromisoa adierazi dute denbora honetan. 2014an etxerako bidea iragarri zuen iheslarien kolektiboak. (J.C. RUIZ | ARGAZKI PRESS)
Euskal Preso Politikoen Kolektiboak, 2013ko abenduko agiri baten bidez iragarri zuen Foro Sozialaren gomendioak jarraituz legezko bideari ekiteko prest zela.
Urte hauetan presoen eskubideen aldeko inoizko mobilizazio jendetsuenak izan dira. (Luis JAUREGIALTZO/ARGAZKI PRESS)
Denbora honetan Euskal Herria izugarri aldatu da. Horren adibide, Yolanda Barcinaren lekuan Joseba Asiron dagoela orain, Iruñeko alkate. (Jagoba MANTEROLA | ARGAZKI PRESS)
2016ko martxoaren 1ean utzi zuen espetxea Arnaldo Otegik, hasitako bidea bururaino eramateko beharra azpimarratuz. «Egin irribarre, borrokatuko dugu eta borrokatzen badugu irabazi egingo dugu», esan zuen Elgoibarren.
Lau egun beranduago, Donostiako Belodromoa eta propio jarritako beste karpa bat txiki geratu ziren, Otegiren ongi etorri festan. (Aritz LOIOLA/ARGAZKI PRESS)
Zortzi urte garai berri batentzat, iruditan
2008ko abuztuaren 30ean irten zen Martuteneko espetxetik Arnaldo Otegi, hurrengo urteko urrian atxilotu zuten berriz eta martxoaren 1ean irten da Logroñoko kartzelatik, ia sei urte eta erdiko espetxealdia bete ostean. Denbora honetan, garai berria ireki da Euskal Herrian, hasitako bidea bukaeraraino eramateko beharra azpimarratu zuen Otegik Logroñoko espetxetik irten berritan.
Erreportajea: ‘2008-2016: Martutenetik Logroñora’
MAR. 08 2016
