1940 urtekoa da Oñatiko Aloña Iturria, Arantzazu monasterioko aldaparen hasieran dagoena. Segurako bidezain batek apaindu zuen, harri txintxarrez egindako irudiekin, hala nola baserritarren aurpegiak, dantzariak, eguzkia, ilargia, edo Arantzazuko Ama Birjina. Oso bestelakoa zen orduan inguru honetako paisaia; fabrikarik gabea eta dena soro. Azken urteotan zikintzen joan da iturria, eta Segurako bidezainaren biloba batek txukundu du.