LOMCEk inposatutako markoaren arabera arautu du Heziberri 2020k ebaluazio sistema. Horren jakintun dira HPT osatzen duten herri plataformak. Hau dela eta, aurten ere, #LOMCEriPlanto egiteko deialdia egin zuen HPTk eta Ikasle Abertzaleekin batera garatzeko dinamika aurkeztu zuten.

Maiatzean zehar egiten ari da Cristina Uriarteren Hezkuntza saila azterketa hauek. Konkretuki LH 3. eta 6. mailan zein DBHko 4. mailan. Hala ere, Hezkuntza Plataformen Topaguneak eta IAk egindako planto deialdiari jarraiki hamaika dira azterketa inposatu hauek ez egiteko konpromiso eta jarrera hartu duten familia eta ikasleak.

aiaraldea.eus atariak egindako bideoan Amurrioko Zaraobe institutuko ikasleek egin duten plantoaren grabaketa agertzen da.

> #LOMCEriPlanto jarraipena Twitterren: klik hemen