2024 urtea gorabeherez betea izan da. Mobilizazio eta aldarrikapenak nagusitu dira, horien artean etxebizitza, laborantza edota migratzaileen elkartasunean. Euskal kultura eta euskararen aldeko alderrikapen eta herri ekitaldiak ugariak izan dira eta oro har gizarte ekimeneko iniziatibek ez dute etenik izan. Klima aldaketaren ondorioak ere pairatu eta aurre egin behar izan diote herritarrek eta gai horren inguruko sentsibilizazio lana etengabea izan da.
Gurean, Guillaume Fauveau eta Patxi Beltzaiz argazkilariek eskaini dizkigute Ipar Euskal Herriari lotutako gaurkotasunaren irudiak. Urtean zehar hartu dituzten argazkien bilduma egin du KAZETA.EUS atariak. Haienekin batera, Fokuko argazkilarien eta hainbat kolaboratzaile eta herri eragileenak ere osatzen dute urteko gertakariak erakusten dituen galeria.
2024 urtea intentsua izan da. Espero dezagun 2025a berri onez betea izatea.
