![Udan ezin izango da Kakueta bisitatu.](/media/asset_publics/resources/000/809/489/article_main_landscape/kakueta.jpeg)
Iragan urteko uztailaren bukaeran Kakuetako arroilan emazte bat zendu zenez geroztik, gunea hetsirik dago. Geroztik, ikerketak egin dituzte, baina obrak oraingoz egiteke daude. Hori dela eta, natur eremua hetsirik atxikiko dute uda honetan.
Kakuetako arroilak ez du publikorik errezibituko uda honetan. Badira hamaika hilabete hetsirik dagoela eta mementoz, horrela segituko du. 2020ko uztaila bukaeran Gironda eskualdeko emazte batek bizia galdu zuen luizi bat gertatu ondotik eta geroztik, natur eremua hetsirik dago.
Gune turistikoa hetsi zuten ibiltarien segurtasuna bermatzeko lanak egiteko xedez. Santa Graziko Herriko Etxeak komunikatu bezala, martxoan gunea ez du ireki publikoa errezibitzeko, parkingak eta baita bidexkak ere egokitzeko obrak egin behar zituelako. Oraingoz ere gunearen webgune ofizialean horrela idatzia dago: «Obren aitzinamenduak gunea itxita edukitzera behartzen gaitu ekaina bukatu arte».
Istripua gertatu ondotik, mendiko lurren zaintzaz arduratzen diren zerbitzuek lehen ikerketa bat burutu dute eta horrek agerian utzi du zenbait lekutan hauskortasunak zeudela harrian, Sud Ouest egunkariak dioenez.
Lehen ikerketa egin ondotik, adituek gomendatu dute bigarren bat egitea beharrezkoa zela natur gunearen segurtasuna osotasunean ikertzeko. Hori dela eta, Sage geotekniaz aditua den ikerketa taldeak berri bat egin du. Ikerketa hori gibelatu eta soilik udaberrian egin ahal izan dute. Ondorioak oraingoz ezezagunak dira.
Andre Arribes Pirinio-Atlantikoen departamenduko hautetsiak aipaturiko egunkariari baieztatu dio arroila hetsirik izanen dela uda honetan. Iturri beraren arabera, Maryse Othart Santa Graziko auzapezak oraingoz sinetsi nahi du gunea irekitzen ahalko dela sasoi turistikoarentzat. Ikusgai dago bere nahia betetzen den.
![Perseidak_naiz](/media/asset_publics/resources/001/145/029/article_thumb_horizontal/Perseidak_Naiz.jpg)
¿Cómo ver las Perseidas? La lluvia de estrellas que no te puedes perder
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Img_8777](/media/asset_publics/resources/001/146/094/article_thumb_horizontal/IMG_8777.jpg)
Gastronomías del mundo sobre ruedas y frente al mar
![Europapress_4590466_14_july_2022_bavaria_munich_an_employee_prepares_syringe_with_bavarian](/media/asset_publics/resources/001/146/456/article_thumb_horizontal/EuropaPress_4590466_14_july_2022_bavaria_munich_an_employee_prepares_syringe_with_bavarian.jpg)
Las claves de la nueva crisis de mpox en África, declarada emergencia internacional por la OMS
![Lur](/media/asset_publics/resources/001/146/783/article_thumb_horizontal/lur.jpg)