![EHUko ‘Lipids&Liver’ ikerketa-taldea. (@upvehu)](/media/asset_publics/resources/000/820/673/article_main_landscape/patricia-aspichueta_web.jpg)
EHUko ‘Lipids&Liver’ ikerketa-taldea buru duen nazioarteko ikerketa batean, zeina ‘Cancer Research’ aldizkari entzutetsuan argitaratu duten, frogatu dute gibelean E2F1 edo E2F2 proteinak inhibitzean babestu egiten dela obesitateari lotutako gibel gantzatsu ez-alkoholikoa garatzetik eta minbizi bihurtzetik.
EHUk ohar batean azaldu duenez, gibel gantzatsu ez-alkoholikoaren gaixotasunak edo gibeleko esteatosi metabolikoak paziente gizenen %80ri eragiten die gutxi gorabehera, eta, azken hamarkadan, minbizia izateko arrisku-faktore garrantzitsu bihurtu da, baita kartzinoma hepatozelularra (mundu osoan gibeleko minbizi primario arruntena) izateko arrisku-faktore ere.
Ez dago berariazko tratamendu farmakologikorik gibel gantzatsu ez-alkoholikoarentzat, eta kartzinoma hepatozelularrerako aukera terapeutikoak oso mugatuak dira oraindik.
EHUko ikerketa-taldeak bi proteina berri identifikatu ditu, E2F1 eta E2F2 transkripzio-faktoreak, obesitatearekin lotutako gibel gantzatsu ez-alkoholikoa garatzeko eta kartzinoma hepatelular bihurtzeraino aurrera egiteko giltzarri gisa.
Zentzu horretan, ikerketak erakutsi duenez, gibel gantzatsu ez-alkoholikoa duten paziente obesitatedunen edo kartzinoma hepatozelularra duten pazienteen gibelean handiagoak dira E2F1 eta E2F2 faktoreen mailak gibel osasuntsuetan baino, eta kontrol metabolikoa eragiten dute.
Ikerketan animalia-ereduak erabiliz eta zelula-ereduen laguntzarekin frogatu dute «E2F1 edo E2F2 ez izateak erresistentzia handia ematen diola, ia erabatekoa, gantz askoko elikadurarekin lotutako gibel gantzatsu ez-alkoholikoa garatzeari eta kartzinoma hepatozelular bihurtzeraino gaitzak aurrera egiteari», dio Patricia Aspichueta doktoreak eta ikerketaren buruak.
«Aurkikuntza horrek garrantzi handia du; izan ere, gibel gantzatsu ez-alkoholikoak eta kartzinoma hepatozelularrak ez dute tratamendu espezifiko eraginkorrik», erantsi du.
Gainera, gibel gantzatsu ez-alkoholikoak, zeina kartzinoma hepatozelularra garatzeko arrisku-faktore baiten, «gero eta prebalentzia handiagoa du, paziente obesoen %70-80k baitute gaitza», esan du doktoreak.
![Captura_de_pantalla_2024-07-11_a_las_10.46.55](/media/asset_publics/resources/001/135/347/article_thumb_horizontal/Captura_de_Pantalla_2024-07-11_a_las_10.46.55.png)
Speed, el tiktoker con 28 millones de seguidores «corneado» por la Policía Foral en la Plaza
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Ballena-bahamonde](/media/asset_publics/resources/001/136/878/article_thumb_horizontal/ballena-bahamonde.jpg)
Hallan el cadáver de la que podría ser la ballena más rara del mundo en Nueva Zelanda
![Keyframemugu](/media/asset_publics/resources/001/138/892/article_thumb_horizontal/keyframemugu.jpg)