LEHENENGO ERA
Osagaiak 4 lagunentzat
300 g arroz, litro bat salda, tipula bat, 125 g urdaiazpiko ondu, 50 g gurin, 60 g Idiazabal gazta birrindu, 100 ml garagardo, olioa, gatza.

Zailtasuna                        2               

1. Txikitutako tipula gurinarekin erregosi, su eztitan.
2. Dado txikitan moztutako urdaiazpikoa gehitu eta erregosi.
3. Arroza bota eta eragin.
4. Garagardoa gehitu eta minutu batez egosi.
5. Salda beroarekin apurka-apurka busti eta etengabe irabiatu. Estali eta 15 minutuz egosten utzi. Noizean behin eragin.
6. Gazta gehitu eta nahastu. Gatza bota eta beste 3 minutuz egosten utzi eta noizean behin eragin.

BIGARREN ERA
Osagaiak 4 lagunentzat
300 g arroz, litro bat salda, tipulina erdia, 2 piper berde, 2 baratxuri ale, piper ori bat, 125 g urdaiazpiko ondu, olioa, gatza, 40 g Parmesano gazta birrindu.

Zailtasuna                     2               

1. Txikitutako tipulina eta baratxuriak olio zurrusta batekin erregosi, su eztitan.
2. Txikitutako piperrak gehitu eta erregosi.
3. Urdaiazpikoa moztu, barazkiekin batera jarri eta erregosi.
4. Arroza bota eta eragin.
5. Salda beroarekin apurka-apurka busti eta etengabe irabiatu. Estali eta 15 minutuz egosten utzi. Noizean behin eragin.
6. Gazta gehitu eta nahastu. Gatza bota eta beste 3 minutuz egosten utzi eta noizean behin eragin.