ETA TIPULAREKIN
Osagaiak 4 lagunentzat
1,5 kilo erreboilo, 250 g tipula, 400 g azalore, 75 g gurin, limoia, olioa, gatza.

Zailtasuna                        2              

1. Eltze batean zerrenda finetan moztutako tipula olio pixka batekin erregosi, su oso eztitan.
2. Azalorea egosi eta xukatu. Gurinarekin nahasi.
3. Erreboiloa garbitu eta osorik utzi. Azpil batean jarri eta gatza, olioa eta limoi zukua bota.
4. Labe beroan sartu, 190ºC-an, 15 minutuz.
5. Plateretan hurrenez hurren tipula, purea eta erreboilo xerra jarri. Azpilean geratu den saltsa gurin pixka batekin berotu eta gainetik bota.

ETA PATATEKIN
Osagaiak 4 lagunentzat
1,5 kilo erreboilo, 400 g patata, 250 g azalore, 100 g brokoli, 4 perretxiko, ardo zuria, olioa, gatza.

Zailtasuna                             2

1. Patatak garbitu eta labe beroan sartu, 175ºC-an, 45 minutuz. Zuritu, sardexkarekin zapaldu eta oliorekin nahastu. Gatza bota.
2. Azalorea eta brokolia zati oso txikitan moztu eta minutu batez egosi. Xukatu.
3. Perretxikoak tiratan moztu eta olio pixka batekin arin erregosi.
4. Erreboiloa garbitu. Gatza, ardoa eta olioa bota eta labe beroan sartu, 190ºC-an, 15 minutuz.
5. Plateretan hurrenez hurren purea, arrain xerra, bere saltsa eta perretxikoak jarri. Ondoan azalore eta brokoliaren marra bat jarri.