ETA GANBEKIN
Osagaiak 4 lagunentzat
Kilo bat itsas-zapo buztan, tipulina bat, 2 baratxuri ale, 200 g ganba, 250 g txirla, koilarakada bat tomate saltsa, salda, olioa, gatza, irina.

Zailtasuna                        2               

1. Itsas-zapoa garbitu eta xerratan moztu. Gatza bota eta irineztatu. Zartagin batean olioa berotu eta arraina gorritu.
2. Eltze batean txikitutako tipulina eta baratxuriak olio zurrusta batekin erregosi, su eztitan.
3. Tipulinari koilarakada bat irin bota eta eragin.
4. Bi baso salda bota eta etengabe irabiatu.
5. Arraina eta tomatea saltsan sartu eta 4 minutuz egosi.
6. Ganbak eta txirlak gehitu eta 2 minutuz egosi.

PATATEKIN
Osagaiak 4 lagunentzat
Kilo bat itsas-zapo buztan, 250 g txirla, 4  arrautza txiki, 300 g patata, 2 baratxuri ale, olioa, gatza, salda, perrexila.

Zailtasuna                            2

1. Itsas-zapoa aurreko errezetan esan dugun bezala prestatu.
2. Txikitutako baratxuriak olioarekin erregosi, su eztitan.
3. Patatak zuritu eta zerrendatan moztu. Baratxuei gehitu eta arin erregosi. Hiru baso salda bota eta 8 minutuz egosi.
4. Arraina saltsan sartu eta 4 minutuz egosi.
5. Arrautzak, azalik gabe, garbitutako txirlak eta txikitutako perrexila arrainaren gainean jarri, estali eta 2 minutuz egosi. Behar adina gatz bota.