«Nire aita maitea betiko joan zaigu», idatzi zuen joan den ostiralean Sidiki Diabatek, bera ere musikoa, Facebooken. Toumani Diabate Bamako hiriburuko klinika pribatu batean hil zen, AFPri familiako kide batek egiaztatu zionez, baina ez zuen xehetasun gehiagorik argitu nahi izan.

1965ean Bakamon jaioa, Toumani Diabate griot familia batekoa semea zen, ahozko historia eta ohituren zaintzaileak. Kora jotzen maisua zen; Afrikako hari-instrumentu tradizional bat.

Youssou Ndour kantariak bere dolua erakutsi du X sarean. Eta Oumou Sangaré kantari maliniarrak «musikaren munduak izan duen enbaxadorerik nagusienetakoa galdu du», idatzi du Facebookek.

Kora-ren birtuosoa baino gehiago, Toumani Diabate «gure antzinako tradizioen eta modernitatearen arteko zubia zen, Maliren ahotsa munduko txoko guztietara eramaten jakin zuen artista izan baitzen».

Salif Keita Maliko abeslariak «Maliko altxor nazionala galdu dugu» aipatu du ere sare sozialetan; izan ere, herrialde horrek jihadismoari aurre egin behar dio gaur egun, eta 2012az geroztik dimentsio askotako krisi larrian dago murgilduta.
 
Toumani Diabate 5 urte zituenean hasi zen kora ikasten. Maliko izar handiekin batera jo du zuen, horien artean, Ballaké Sissoko, korako beste jokalari handi bat, eta Ali Farka Toure, Mendebaldeko Afrikako herrialde honetako musikaren beste izen handi bat. Gurean ere izan da. Getxo Folken 2007an jo zuen, eta ordun kritika bat argitaratu genuen, baita ere Donostiako Kursaalean 2012an.