Osagaiak 4 lagunentzat
12 kaneloi xafla, gazta birrindua. Betegarria: 300 g lakoi, tipula bat, 100 g kuia, 200 g tomate, 200 g kale aza, olioa, gatza. Saltsa: 40 g gurin, 40 g irin, 600 ml esne, intxaur muskatu, piperbeltz beltza, gatza.
Zailtasuna                         3

1. Kazola batean ur ugari eta gatza irakiten jarri.
2. Irakiteko puntuan dagoenean, kaneloi xaflak banaka sartu; noizean behin mugitu.
3. Hamar minutuz egosi. Atera eta ur hotzetan busti. Xukatu eta oihal baten gainera atera.
Betegarria:
1. Txikitutako tipula olio pixka batekin erregosi, su eztitan.
2. Txikitutako kuia gehitu eta erregosi.
3. Tomatea zuritu eta txikitu. Kalea garbitu eta txikitu. Barazkiekin batera  tomatea eta kalea jarri eta erregosi.
4. Lakoia txikitu. Barazkiei gehitu eta arin erregosi. Hozten utzi.
Saltsa:
1. Eltze batean gurina urtu. Irina gehitu eta eragin.
2. Esnea apurka-apurka bota eta etengabe irabiatu. Behar adina gatz, intxaur muskatu eta piperbeltz beltz bota. Eragin, etengabe, su eztitan hiru minutuz.
Bukatzeko:
1. Kaneloiak  nahastearekin bete.
2. Labeko azpil bat saltsa pixka batekin estali.
3. Gainean kaneloiak jarri eta geratzen den saltsarekin estali. Gazta birrindua bota.
4. Labe beroan sartu, 190 gradutan, ondo gorritu eta berotu arte.