Negua gerturatu ahala, berotan egoteak plazeraren ertzetara gerturatzen du bat. Urrunean geratzen dira uda sasoi beteko planak, urari lotutakoak gehienak. Igeriketarako afizioak, nolanahi ere, ez du urtarorik ezagutzen. Bazter geratzen dira eguraldiaren araberako saioak, areago gaur egungo igerileku klimatizatuei esker. Ondoko irudia berriki Bangkoken hartua da, bi itzalen artetik sortzen den izpia erdigunean jartzen duena. Halakoxea da kirol hori ere, gorputzaren eta uraren arteko borroka etengabe bat, plazera ertz batetik ez ezik, erdigunetik bizitzera eramaten duena. Izpi gozo bat.