Iraultzaren azpiko lurretan ernatu zen loraldi berria
«Herriak du gehien agintzen» komikiak Krabelinen Iraultza herriaren ikuspuntutik ezagutarazten du eta iraultzan behetik parte hartu zutenen esperientzien garrantzia ulertzen laguntzen du.
Raquel Varela eta Robson Villalbaren eskutik, denboran zehar bidaiatzen da liburu honen bitartez, apirilaren 25eko iraultzaren aurreko urteetara eta ondoren etorri zirenetara. Garai hura gaztaroaren intentsitatez bizi izan zuen norbaiten historia erdi fikzionatua ezagutzeko aukera eskaintzen du.
Lisboako periferian hazi zen Jose, 60ko hamarkadan. Estado Novo delakoaren azken urteen lekukoa izan zen. Lagunen aitak Afrikako gerrara abiatzen zirela ikusi zuen, 1967ko uholdeen biktimei laguntzen jardun zuen, eta atzerriko ideia politikoen eta intelektualen, liburuen, filmen eta musikaren oihartzuna ere jaso zuen, sarritan modu klandestinoan.
Gaztaroan, borroka antifaxistaren garapenaren, zapalkuntzaren, esku hartzeko musikaren rolaren, Vilar de Mouroseko jaialdiaren eta 1974ko erregimenaren erorketaren lekukoa izan zen. Soldadu gisa, ezker militarreko sektore aktiboenetako bat izango da, erradikalismoa, desobedientzia eta esku hartze iraultzailea pertsonifikatuz.
Portugalgo Krabelinen Iraultzaren 50. urteurrenean, Bertrand, Verso, Manifest Libres eta Txalaparta argitaletxeek «Herriak du gehien agintzen» komikia argitaratu dute aldi berean, lau hizkuntzatan. Gaian aditua den Raquel Varelak idatzi eta Robson Vilalbak ilustratu dute oroimenezko lan hau.
Ardiki Eguna, pasión por el mondeju en Zaldibia
«Musikarik ere ez genuen sortzen; honek ez zeukan etorkizunik»
La firma femenina del universo
«Me resulta curiosa la idea de que yo tengo una identidad y la gente blanca no la tiene»
