Zilarrezko eta brontzezko dominak lortu zituzten atzo euskal tiralariek, Ipar Irlandan jokatzen ari den Europako Txapelketan. Selekzioen lehiaketako aurreneko eguna zen, eta lehenengo aldiz Euskal Herriak, gainerako herrialdeen baldintza beretan parte hartzen duen honetan, gauzak ezin hobeto joan dira.

600 mistoan etorri zen zilarrezko domina, lan bikaina egin ostean. Finalean, Suitza izan zuten eta hura gainditu ezin izan zutenez, zilarrarekin aski izan behar. Hirugarren Suedia geratu zen.

Mutilen 560koan etorri zen brontzezkoa, neurketa Ingalaterrari irabazi ostean. Urrea Ipar Irlandak eraman zuen, eta zilarra, berriz, Suitzak.