Lea-Artibai eskualdean kimikako sektorean irregulartasunak gertatzen ari direla salatu du LAB sindikatuak. Atzo Berriatuko Azken Ikutu enpresaren aurrean elkarretaratzea egin zuten hitzarmen kolektiboa betetzen ez dutelako. Sektorean adierazita dagoen soldata baino 600 euro gutxiago kobratzen dutela jakinarazi dute eta jaiegun bezperatan kaleratu egiten dituzte langileak, bueltan berriro alta emateko. Ibai Aurrez enpresa ere salatu dute eta azpikontrata hauen arduradun den Cikautxo S. Coop. enpresari arazoen berri eman dio LABek, prekaritatea ekiditeko helburuarekin.