Xabier Aranburuk irabazi zuen atzo eguerdian Azpeitiko Izarraitz pilotalekuan harri-jasotzeko lehiaketa, eta hau ere bikaina izan zen, 25 kiloko aldea egon baitzen beraren eta Illarramendiren artean. Bakoitzak 150 kiloko kubikoa eta 175 kiloko errektangularra erabili zituen, eta bakoitzarekin lanean aritzeko bina minutuko txandak izan zituen.

Gakoa harri errektangularrean izan zen, Aranburuk 8 jasoaldi eman baitzizkion, Illarramendik baino bat gehiago. Kubikoari Illarramendik 8 jasoaldi eman zizkion, Aranburuk baino bat gehiago, baina ez zuen irabazteko nahikoa izan. 

Denera, Aranburuk 15 jasoaldi eta 2.450 kilo bizkarreratu zituen. Illarramendik, berriz, 15 jasoaldi lortu zituen, baina 2.435 kilo jaso zituen guztira. Sailkapena Aimar Galarragak itxi zuen. Hasi bikain egin zen, 8 jasoaldi lortu zituen 175 kiloko errektangularrarekin, baina 150 kiloko kubikoari 5 bakarrik eman zizkion, eta azkena geratu zen. 13 jasoaldi lortu zituen, eta 2.150 kilo jaso.