Bideo-jokoak
Osasunaren Mundu Erakundeak (OME) aste honetan argitaratu duen sailkapen berriak bideo-jokoekin lotutako titularrak eragin ditu hedabideetan. Berritasuna: lehen aldiz bideo-jokoekiko adikzioa gaixotasun mental gisa sailkatu dela. Orain arte ez ziren bideo-jokoak aipatu ere egiten Gaixotasunen Nazioarteko Sailkapenean. Baina bideo-jokoen kontsumoaren indarra ikusita eta horien erabilera desegokiaren ondorioak identifikatuta, horrela sailkatu du OMEk.
Bideo-jokoetan jolasteko modua eta bideo-jokoen kontzeptua bera ere aldatzen joan dira azken urteotan. Aldaketa hori smartphone eta tabletei lotua ere badago, poltsikoan bideo-jokoen plataforma bat baitaramagu (horretarako erabili ez arren). Eta smartphonea da, hain zuzen, bideo-jokoak kontsumitzeko gailurik erabiliena. Eta hazkunderik handiena aurreikusten zaiona. Eta horrekin, online jolastea indarra hartzen ari da.
Eta argi izan behar dugu: bideo-jokoak ez dira haurren kontu bat. Adin tarte guztietako kontsumitzaileak daude. Eta gero eta gehiago. Nabarmen. Kontsumitzaileen kopurua handitze horrek ekarri du bideo-jokoen industria aisialdiko eta entretenimenduko sektore nagusi bilakatzea, mundu mailan: zinema industriaren fakturazioa hirukoizten du eta zinema eta musika industriak elkar hartuta ere bideo-jokoen azpitik daude. Espainiar eta frantziar Estatua, zehazki, Europan bideo-joko kontsumitzaile gehien dituzten estatuak dira. Eta munduko hamar garrantzitsuenen artean daude. Euskal Herria aztertuta ere, goi samarrean agertuko litzateke, ziur aski.
Galdera potoloak sortzen ditu bideo-jokoen arloak herri ikuspuntutik. Komunitateak zenbait bideo-joko euskarara itzuli ditu (Game Erauntsia komunitatea). Baina jakina da euskara ez dela merkatua bideo-joko garatzaile nagusientzat (beste sektoreetan bezala). Eta agian kontsumitzaileak ere faltako lirateke (euskarazko kultur kontsumoaren azken azterketaren emaitzak estrapolatuta). Baina erantzun beharko ditugu inoiz: nola indartu gure bideo-joko industria lokala? Eta nola nazioartekotu? Eta nola hurbildu emakumeak garapenera?
![0723_eg_lejarza](/media/asset_publics/resources/001/139/682/article_thumb_horizontal/0723_eg_lejarza.jpg)
Josu Mujikaren kasua epaitegira iritsi da
![0723_eh_manot](/media/asset_publics/resources/001/139/689/article_thumb_horizontal/0723_eh_Manot.jpg)
Antonia Maria Manot hil da, frankismoak fusilatutako Jon Paredes Manot «Txiki»-ren eta Euskal Herriaren ama
Marian
![0725_kul_izarojazz](/media/asset_publics/resources/001/140/265/article_thumb_horizontal/0725_kul_IZAROJAZZ.jpg)
El amigo norteamericanoy las chicas playeras
![0703_eh_paolo](/media/asset_publics/resources/001/140/655/article_thumb_horizontal/0703_eh_paolo.jpg)