Azkoitiko Sammic S.L. enpresako langileen batzordeak greba deialdia amaitzea erabaki zuen zuzendaritzarekin akordio batera heldu ostean, eta atzo lanera itzuli ziren.

Langileen eskubideak bermatuko zituen hitzarmena lortzeko uztailaren 2an abiatu zuten greba mugagabea langileek eta pasa den asteko ostegunean negoziazioan blokeo egoerara iritsi ziren, asteartean berriro elkartu ziren arte.

Sinatutako hitzarmenak lau urteko iraunaldia du (2018-2021) eta inaplikazio klausulaz gain, 18 hilabeteko ultraaktibitatea lortu dute. Soldata igoerak eta bi sailetako kategorien soldatak berdintzea ere adostu dutela jakinarazi zuten.