Asteburuan bi Munduko Txapelketa oso desberdinekin gozatzeko aukera izan dugu: Dohan egiten ari diren atletismokoaz eta Yorkshire inguruan izan den txirrindularitzakoaz. Baina guk gozatzeko, kirolariek ikaragarri sufritu behar izan dute, baldintza klimatikoek muturreraino eraman baitituzte lehiakideak. Goiko argazkia martxako 50 kilometroko proban ateratakoa da, gauez 30 gradu baino gehiagorekin jokatua. Behean, elite mailako gizonezkoen iraupen proba ikus daiteke, sekulako euri jasa eta hotz galantarekin korritu zena.

Argazkiak: Mustafa ABUMUNES - Ben STANSALL | AFP PHOTO