Orain arte apenas ikusi dugu halakoetan –beste buruzagi batzuk bai, zaleagoak dira–, beti irudi serioagoak eskaini baitizkio iritzi publikoari. Alabaina, KCNA agentziak Ipar Koreako lider Kim Jong-unen argazki sorta kuriosoa zabaldu zuen atzo. Paektu mendian, herrialdeko ipar-ekialdean, ateratakoak dira eta honako testua dute ondoan: «Zaldi zuri baten gainean zamalkatu da, aurreneko elurren gainean, eta mendia igo du. Iraultza korearraren historian pisuzko ekintza da. Gailurrerako bidean, herrialde boteretsuena eraikitzeko egindako bide eta borroka gogorra emozioz oroitu du».

Argazkia: STR | AFP PHOTO