Gaur 9 urte, Eibarrek lehen mailara igotzea lortu zuen lehen aldiz
Alavesi 1-0 irabazita, 2014ko maiatzaren 25ean, Eibarrek bere historian lehen aldiz futboleko Lehen Mailara igotzea lortu zuen, Gaizka Garitano entrenatzaile zela. Zazpi aldiz jarraian maila gorenean egon ondoren, 2021ean bigarren mailara jaitsi zen. Aurten lehen mailara itzul daiteke.
![2014ko maiatzaren 25ean Lehen Mailara igotzea lortu zuen Eibarrek.](/media/asset_publics/resources/000/999/641/article_main_landscape/eibar-2014.jpg)
2014ko maiatzaren 25eko arratsaldea eibartar askok gogoratuko dute oraindik. Denboraldi bikainaren ondoren, egun hartan Lehen Mailara igotzea lortu zuen hiri armagineko futbol taldeak, Alavesi 1-0 irabazita. Partida Ipuruan jokatu zen, eta denboraldiko sarrerarik onena izan zen, bete-betea eta giro bikaina harmailetan.
Jota Peleteiroelen gol ikusgarria izan zen Eibarri Alaves menderatzeko aukera eman ziona. Horrela, bigarren mailako lehen postuan kokatu zen A Coruñako Deportivok Sorian galdu ondoren.
Xabi Iruretagoiena, denboraldi hartan gol gutxien jaso zuen atezaina, funtsezkoa izan zen azken minutuetan hainbat baloi oso arriskutsu gelditu baitzituen, Alavesen berdinketa saihestuz. Gainera, Eibarrek hamar jokalarirekin amaitu zuen Raul Navasen kanporaketaren ondorioz.
Eibarrek ametsa bete zuen. Mirariaren egilea, neurri batean, Gaizka Garitano izan zen. Entrenatzaileak lehen taldearen ardura hartu zuen 2012-2013 denboraldian, (Eibar Bigarren B Mailan zegoenean) eta lehenengo denboraldian Bigarren A Mailara igotzea lortu zuen. Urte bat geroago, 2013-14 denboraldian Bigarren A Mailako aurrekontu txikienarekin (4 milioi euro) maila mantentzea zuen helburu baina denboraldi bikaina eginez Lehenengo Mailara igo zen.
![0810_kalifornia03](/media/asset_publics/resources/001/144/491/article_thumb_horizontal/0810_kalifornia03.jpg)
Udaleku, diasporako euskal-amerikar gaztetxoen topagunea Kalifornian
![0810_portada1](/media/asset_publics/resources/001/144/537/article_thumb_horizontal/0810_portada1.jpg)
Hemingway, Euskal Herria eta euskal Herritarrak
![0810_bizkargi1](/media/asset_publics/resources/001/144/740/article_thumb_horizontal/0810_bizkargi1.jpg)
Bizkargi, ibilaldia memoria historikoan zehar
![0810_ramon2](/media/asset_publics/resources/001/144/499/article_thumb_horizontal/0810_ramon2.jpg)