Duela 40 urte bahitu zuen GALek Segundo Marey, GALek aldarrikatutako lehen ekintza
Gerra zikineko eta GALeko lehen biktimatzat hartzen da Segundo Marey, GALek nahastuta Hendaiako bere etxean bahitu zuen gaztea. Hamar egunez eduki zuten bahituta, eta tratu txarrak salatu zituen ondorenera.
![Albistea abenduaren 5eko ‘Egin’ egunkarian.](/media/asset_publics/resources/001/055/488/article_main_landscape/marey.jpg)
Abenduaren 4ko egun batez bahitu zuten Segundo Marey duela 40 urte. GALeko zenbait kide bere etxean sartu eta Mikel Lujua ETAko kidea zela pentsatuz bahitu zuten. GALek aldarrikatutako lehen ekintza izan zen, taldea bera egin zen ekintzaren arduradun. Segundo Mareyk ordea, ez zuen zer ikusirik ETArekin, bulegoetako mobiliario saltzailea zen.
Hamar egunez egon zen bahituta Marey, eta hamar egun beranduago askatu zuten Dantxarineatik hiru bat kilometrora, Ipar Euskal Herrian. Hamar egunez tratu txarrak jasan zituen, ondorenera salatuak izan zirenak; gerra zikineko lehen biktima gisa kontsideratzen dute batzuek.
GALek aldarrikatu zuen bahiketa hori. Ordura arte ez zen taldea ezagutzen, baina GALek Frantziako Gobernuari ETAko kideak beren herrialdean «babestuta» egotea egozten zion.
Zerbitzu sekretu militarra bera ere, Cesid (Defentsaren Goi Mailako Informazio Zentroa), bat zetorren iritzi horrekin: «azterketa teoriko» bat egin zuen, uztailaren 6ko data duena. «Gaia: Ekintzak Frantzian» izena duena. Bertan, mugaren bi aldeetan ekintza armatuak egiteak izango lituzkeen abantailak eta eragozpenak aztertzen dira, baita zuzendaritza-organoen burugabetzea eta inguruan segurtasunik eza sortzea eta abar ere.
Ministroak eta Verak «baimena» eman zioten Julian Sancristobali, Bizkaiko gobernadore zibila zenari, Frantziako hegoaldean ETAko kideren baten bahiketa antolatzeko, Martin Barrios kapitaina non zegoen jakiteko.
![0810_bizkargi1](/media/asset_publics/resources/001/144/740/article_thumb_horizontal/0810_bizkargi1.jpg)
Bizkargi, ibilaldia memoria historikoan zehar
![0810_ramon2](/media/asset_publics/resources/001/144/499/article_thumb_horizontal/0810_ramon2.jpg)
«Ezkaba gure historiako askatasun garrasi ozenenetakoa da; oilo ipurdia sortzen du»
![0817_izturitze1](/media/asset_publics/resources/001/146/418/article_thumb_horizontal/0817_izturitze1.jpg)
Izturitze eta Otsozelaia, historiaurreko aztarnen paradisua
![0817_piparra4](/media/asset_publics/resources/001/146/421/article_thumb_horizontal/0817_piparra4.jpg)