Medikuntzaren historiaren museoa eta mendi ibilaldia, Galdakaok adinekoei zuzendutako jardueren artean
Galdakaoko Adinekoak Dinamizatzeko Zerbitzuak doako hainbat jarduera prestatu ditu maiatzerako. Horien artean, medikuntza euskal museora bisita eta mendi ibilaldia antolatu dituzte, baita elikadura, kontsumitzaileen eskubideak edota lehen sorospenak landuko dituzten hitzaldiak ere.
![Medikuntzaren Historiaren Euskal Museok ikusgai duen piezetako bat, artxiboko irudian.](/media/asset_publics/resources/001/110/976/article_main_landscape/museoa.jpg)
Galdakaon hainbat jarduera antolatu dituzte maiatzerako adineko herritarrei zuzenduta: Medikuntzaren Historiaren Euskal Museora bisita kulturala, mendi-ibilaldiak Berrizen, eta osasunari buruzko hitzaldi-zikloa.
Udalak azaldu duenez, Adinekoak Dinamizatzeko Zerbitzuak prestatutako programak doako hainbat jarduera biltzen ditu, baina beharrezkoa da aldez aurretik izena ematea.
Horien artean, hilaren 23an, bisita kultural bat egingo da Medikuntzaren Historiaren Euskal Museora. Udalak nabarmendu duenez, museoak «XIX. eta XX. mendeetako objektu mediko eta zientifikoen bilduma aberatsa du, medikuek, ospitaleek eta Euskal Herriko beste erakunde batzuek erabili dutena».
Bisitaldi horrek dauzkan erakargarritasunen inguruan zehaztu dute 6.000 pieza baino gehiago daudela ikusgai, espezialitate mediko guztietakoak eta beste diziplina zientifiko batzuetakoak, gehienak frantziarrak, alemaniarrak eta Europako beste herrialde batzuetakoak.
Bestalde, Udalak zortzi kilometroko ibilbidea antolatu du Berrizen zehar, 200 metroko desnibelarekin, ostegunerako, hilak 30erako.
Azkenik, osasunari buruzko ziklo bat egingo da. Hiru saio izango dira: hilaren 23an, ‘Elikadura eta horrek osasun mentalean duen garrantzia’ (Elkarbizi adinekoen zentroan); 24an, ‘Kontsumitzaile gisa ditugun eskubideak baliarazten ditugu?’ (Gure Etxea adinekoen zentroan); eta 30ean, ‘Lehen sorospenak: nola jokatu larrialdi baten aurrean’ (Danok Aurrera adinekoen zentroan).
![0810_portada1](/media/asset_publics/resources/001/144/537/article_thumb_horizontal/0810_portada1.jpg)
Hemingway, Euskal Herria eta euskal Herritarrak
![0810_bizkargi1](/media/asset_publics/resources/001/144/740/article_thumb_horizontal/0810_bizkargi1.jpg)
Bizkargi, ibilaldia memoria historikoan zehar
![0810_ramon2](/media/asset_publics/resources/001/144/499/article_thumb_horizontal/0810_ramon2.jpg)
«Ezkaba gure historiako askatasun garrasi ozenenetakoa da; oilo ipurdia sortzen du»
![0817_piparra4](/media/asset_publics/resources/001/146/421/article_thumb_horizontal/0817_piparra4.jpg)