Getxo Antirrazista Estrategiaren Gazte taldeak ‘Descendents’ dokumentalaren proiekzioa eta zurrumurruen kontrako solasaldia antolatu ditu larunbat honetarako (martxoak 22), hainbat talderen laguntzarekin.

Ostiralean ospatzen den Arrazakeriaren Aurkako Nazioarteko Egunaren harira prestatu dute ekimena., eta Udalak dei berezia  luzatu die herriko gazteei «kultur arteko jarduera honetan» parte hartzera gonbidatuz.

«Horrekin, Getxok kulturen arteko bizikidetzaren aldeko eta arrazismoaren aurkako narratiba alternatiboak eraikitzeko funtsezko loturak indartzen jarraituko dugu», adierazi dute udal Gobernuko iturriek ohar batean.

Judit Aranda Morenok eta Carlos Collazos Rodriguezek zuzendutako dokumentalaren inguruan, Udalak gogoratu du lanak Kataluniara heldutako migratzaileen ondorengo katalanen nortasun propioaren etengabeko bilaketa erakusten duela, «baita bizi izandako ezbeharrak eta errealitate hori eraldatzeko duten gaitasuna ere, desberdinari balioa emanez».

Proiekzioa 12.00etan hasiko da Romo Kultur Etxean, eta doako sarrera izango du. Bertaratu nahi duten herritarrek izena eman behar dute ‘grupogar.aisibizia@gmail.com’ helbide elektronikoan edo 747 494 122 telefono zenbakira deituta.