![Jose Javier Osesen atxiloketaren inguruko asanblada informatiboa egin zuten atzo Burlatan. (Lander FDEZ. ARROIABE/ARGAZKI PRESS)](/media/asset_publics/resources/000/005/463/article_main_landscape/20120627_burlata.jpg)
Okzitaniako Albi hirian jazotako Ugaitz Errazkin hernaniarraren eta Jose Javier Oses burlatarraren atxiloketak salatu dituzte gaur Gernikako Akordioaren sinatzaileek.
Ohar baten bitartez, atxiloketak Euskal Herrian abiatutako prozesuaren kontrako «eraso larria» direla adierazi dute, «are gehiago ETAk bere jarduera armatuaren behin betiko amaiera iragarri zuenetik eta elkarrizketarako borondatea erakutsi duenean».
Euskal Heriko eragile sozial, sindikal eta politikoek zein nazioartetik «mezu argia» bidaltzen ari direla azpimarratu dute, hain zuzen, Estatu espainol eta frantsesari dei egin diete «blokeo estrategia baztertu» eta konponbide demokratikoaren aldeko urratsak egiteko.
Zentzu horretan, estatuak blokeo jarrera horretan «gotortu» ezin direla esan dute, argudiatuta «iraganeko errezetek» balio ez dutela «Euskal Herrian ireki den prozesuan dagokien erantzukizunaz jokatzeko».
Azkenik, argi utzi nahi izan dute «egunetik egunera konponbide demokratikoaren alde lana egiteko ditugun arrazoiak gehiago» direla, eta horren aldeko erabakitasuna «handitzen» ari dela.
«Badakigu Euskal Herriko jendarteak gurekin bat egiten duela konponbidearen aldeko erabakitasunean, badakigu ere nazioartean gero eta ahots gehiago altxatzen ari direla konponbide demokratikoaren alde. Berandu baina goizago mugiaraziko ditugu, konponbidea irabaziko dugu», azaldu dute.
![Euskara-saria](/media/asset_publics/resources/001/148/691/article_thumb_horizontal/euskara-saria.jpg)
Hau Pittu Hau konpartsaren Euskara Saria jaso du Presoen Euskara Irakasle Taldeak
![Itunougarte](/media/asset_publics/resources/001/148/694/article_thumb_horizontal/itunougarte.jpg)
«Gustura onartu dut erronka; hori ere badelako, ordainsariak dituen erronka bat»
![Mani](/media/asset_publics/resources/001/149/003/article_thumb_horizontal/mani.jpg)
Bilbo reivindica en ambiente festivo que la vuelta a casa de los presos sea una realidad
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)