Alberto Catalan Nafarroako Legebiltzarreko presidenteak «erabaki judizialei errespetua» zor zaiela eta kolaboratzekok prest dagoela erantzun du, kazetariek Maria Paz Benito epaileak lekuko gisa deklaratzera joateko egin dion deiaz galdetu diotenean.
Parlamentuko saioa hasi aurretik egin ditu adierazpenak Catalanek. Horrelako egoera batean «oso zuhurra» izan behar dela esan du, eta justiziari laguntzeko prest egon behar dela.
Nafarroako Kutxako Batzorde Iraunkorraren esistentziaz galdetuta, ez du argibiderik eman nahi izan, «adierazpenak egiterakoan zuhurra» izan behar dela argudiatuta. «Epaileak zer esaten duen itxaron behar da», nabarmendu du.
Javier Caballero UPNko parlamentariak ez die kazetarien galderei erantzun nahi izan.
Biak lekuko gisa deklaratzera deitu ditu Maria Paz Benito epaileak, dieten auzia dela-eta. Roberto Jimenez PSNko idazkari nagusia, Jose Iribas Hezkuntza sailburua, Carlos Garcia Adanero UPNko legebiltzarkidea eta Samuel Caro PSNko parlamentaria ere deitu ditu maiatzaren 10erako.
«Tenemos 58 personas saliendo de prisión cada día, hay que fortalecer Harrera»
El caso Cabacas, «insuficientemente clarificado» según el memorial inaugurado en Bilbo
Muguruza lleva ‘Sarri Sarri’ a Martutene 39 años después de la fuga que la inspiró
Jone Goirizelaia, abogada de Cabacas, espera que se corrija el error del memorial
