![Adolfo Muñozek eta Ainhoa Etxaidek hartu dute hitza sindikatuen agerraldian. (Luis JAUREGIALTZO/ARGAZKI PRESS)](/media/asset_publics/resources/000/035/300/article_main_landscape/sindikatuak.jpg)
Bilbon eginiko agerraldi batean, LAB eta ELAko idazkari nagusi diren Ainhoa Etxaide eta Adolfo Muñozek hartu dute hitza eta, aipatu sindikatuen izenean, gogor gaitzetsi dute Herrirako 18 kide atxilo hartzeko «erabaki politikoa».
Esan dutenez, asteleheneko polizia operazioa «herritargoaren eskubide zibilen aurkako erasoa» da eta, horregatik, dei egin dute ostiralean lantokien aurrean eta herrietan egingo diren ordu erdiko bilkuretan (12.00-12.30) zein larunbateko manifestazioan (17.30, La Casilla) parte hartzeko. Masa sozialaren bidez Euskal Herrian abiatutako prozesu politikoa baldintzatzea da helburua.
Sarekada presoen eskubideen aldeko borroka kriminalizatzeko xedea duela nabarmendu ondoren, atxilotuen berehalako askatasuna aldarrikatu dute.
Etxaidek eta Muñozek garbi adierazi dute Herrirak «giza eskubideen defentsan» jarduten duela, Euskal Herrian aski ezaguna dela, eta sindikatuek bat egin dutela helburu horiekin.
Haien iritziz, sarekadak islatzen du Estatu espainolak bide demokratikoen bidez jarduteko duen «ezintasun politikoa».
Gogoratu dute, gainera, atxiloketok oso une zehatz batean iritsi dira: urtarrilerako iragarri zuten mobilizazio erraldoiaren prestaketa lanak hasi behar zirenean, «euskal jendartearen gehiengoaren nahia» agerian utzi izan duen mobilizazioarena alegia.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Piratak](/media/asset_publics/resources/001/137/746/article_thumb_horizontal/piratak.jpg)
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
![Atristain](/media/asset_publics/resources/001/134/948/article_thumb_horizontal/Atristain.jpg)