Gasteizko Legebiltzarreko Kontrol saiora eraman du EH Bilduk berriki Espainiako Auzitegi Gorenak agindutako 107 Herriko tabernen konfiskazioa. Iñigo Urkullu EAEko lehendakariak erabakiaren aurkako jarrera erakutsi du baina bere argudioekin kexu da koalizio independentista, itxieraren ardura EH Bilduri egotzi diola Urkulluk uste baitu.
Urkulluk «dena ETA da» lelopean garatutako politikaren emaitza dela itxiera agindua esan du eta salbuespen legeen aurka dagoela. Behin salaketa eginda, ordea, adierazi du ez Lakua eta ezta euskal gizartea ere ez direla «ezker abertzaleak hamarkada luzez bortizkeria babestearen erantzule». Hitz hauek entzunda, Herriko tabernen itxieraren ardura EH Bilduri egotzi diola uste du Julen Arzuaga legebiltzarkideak.
Galdetu diot @iurkullu-ri bere iritzia #HerrikoakEzItxi aurrean eta errua gurea dela erantzun dit
— Julen Arzuaga #Libre (@julenaretakoa) June 26, 2015
Arzuagaren ustez «bidegabekeria hori pairatzen ari direnak egoeraren erantzuletzat hartu ditu lehendakariak eta injustizia horren ardura kaltetuen bizkarrean utzi du». Legebiltzarkide independentistak erasoei aurre egiteko eskua luzatu diola esan du eta «haren erantzuna zaplaztekoa» izan dela. EH Bilduko parlamentariaren ustez «bakea eta bizikidetza erasoten dituen heinean jendarte osoa dago Rajoyren jomugan».
«Ya estábamos aburridos de hacer las cosas siempre de la misma forma»
Vuelve el folk radical vasco de Bizardunak
Un paseo por The Champions Burger: Iruñea se rinde al «food porn»
Xabier Leteren ‘Xalbadorren heriotzean’, Kongresu espainolean, Rozalenen eskutik
