‘Soka’ erakusketak euskal dantza hobeto ezagutaraztea du xede. «Eszenografiaren eta erakusketaren ikuspegitik, edukiak teknologia berrietan eta multimediak eskaintzen diren aukeretan oinarritzen dira, jendearengana modu erakargarri eta didaktikoan iristeko», azaldu dute antoaltzaileek ohar baten bdiez.

Donostia 2016 hiributzaren baitan kokatzen da. Euskal dantza hobe ezagutaraztea du helburu. Erakusketa multimediada eta lau hizkuntzatan (euskara, frantsesa, gaztelera, inglesa) aurki daiteke. Bertan 400 ilustrazio baino gehiago daude kontsultagarri. Besteak beste EAEko Filmategiko altxor batzuk erakutsiak dira bai eta beste artxibo aski ezezagun asko ere.

Artxibo horiei gehitu behar zaizkie euskal dantzaren estetikaz edota alderdi sozialaz erakusketarako eginak izan diren bideo sorkuntzak.

«Dantzatik euskal munduari begiratzen dio erakusketa honek. Euskal dantzaren etorkizunaz galdetzen dio ikusleari, eta horrekin gogoeta gai du iragana, plaza, eszenatokia, gizartea, boterea, agintea, borroka, iraultza, jerarkia, berdintasuna, kohesioa, etena, gatazka, transmisioa, generoa, adina, protokoloa, plazera, liturgia, festa, tradizioa, berrikuntza, erlijioa, sekularizazioa, iraupena, haustura, gozamena, bikaintasuna, arrunkeria, ohitura, kultura, euskara, dantza, soka», gehitu dute.