Arrotxapean txosnak paratu dituzten plazan piztuko dute suziria 20.00etan. Arrotxa Kantuz taldea izango txupinazoa pizteko ardura. Sarrigurenen, berriz, Hiru Hamabi elkarteak piztuko du. Talde honek burmuineko minak dituzten adin txikikoak zaintzen ditu. 19.00etan izanen da. Bietan erraldoiek dantzatuko dute.
Arrotxapean kaldereteak izango dira ospakizun garrantzitsuena. Larunbatean izango dira Runa parkean. Antolatzaileek kotxeak bertan ez uztea eskatu dute eta tokia ahalik eta garbien uzteko ere. Honekin batera, jaietako egitarauan antolatzaileek adierazi zutenez, aurten Iruñeko Udalaren partetik elkarlanerako gogo ona izan dute.
UPNren hankasartzea
Sarrigureni dagokionez, UPNren hankasartze batek oihartzuna izan du sare sozialetan. Hautes-kanpainarako ekitadi bat egiteko baimena eskatu zuen txupinazoa piztu behar zen tokian.