Uste baino erosoagoa izan zaie Aimar Olaizola eta Alvaro Untoriari txapelketako hirugarren puntua lortzea, izan ere Victor eta Albisuk egindako opariak onartzearekin nahikoa izan baitute Tolosan jokatutako partida kaxkarrean. Urdinek orotara 13 huts batu dituzte, 8 aurrelariak eta 5 atzelariak, eta horrela ez dago partidarik irabazterik.
Tantu oso piloteatu (78 pilotakada) batekin eman zaio hasiera neurketari, baina hasiera-hasieratik hartu dute aurre markagailuan faboritoek. Albisuk agintzen hasi du lehia, eta Untoriak zazpitik atzera jo ditu pilotakada gehien, baina Victorrek ez die bere lagunak emandako abantailei probetsurik atera, gantxoarekin pilota asko galduz. 12-6 joan dira goriak aurretik lehen atsedenaldi luzera eta ordurako zortzi pilota zituzten galduak urdinek.
Saiatu dira markagailua txukuntzen, baina huts kopuru horrekin ez dago partidak irabazterik. Batutako puntuarekin, Olaizola II.a-Untoriak ere hirugarren puntua lortu dute eta Victor-Albisuk asko hobetu beharko dute Irribarria-Rezusta liderrei ostegunean aurre egin ahal izateko.
Ángel Berrueta y su familia, reconocidos como víctimas de violencia policial
Ibarrola y su fregona, Los Caídos y Arrasate, principales temas de las pancartas de las Peñas
¿La ketamina, una esperanza contra la depresión? Esto dicen los estudios científicos
«Pruebas sólidas» apuntan al marido, exreservista, en la desaparicion de la mujer de Urruña
