![Herri akusazioa osatu duten eragileen agerraldia. (LAB)](/media/asset_publics/resources/000/376/857/article_main_landscape/kutxabank.jpg)
Bilbon egindako agerraldi batean, Kutxabank auzian herri akusazioan aritu diren eragileek (LAB, ESK, Steilas, EHNE Bizkaia, HIRU, Pentsionistak Martxan eta EKA-OCUV) begi onez hartu dute Mario Fernandez, Mikel Cabieces eta Rafael Alcorta zigortzen dituen epaia.
Azpimarratu dutenez, «argi eta garbi» gelditu da akusatuak «bidegabeko jabetzearen delituaren errudun direla, Kutxabanken funtsak erabili dituztela entitatearentzat ez zuzenean ez zeharka lanik egin ez zuen pertsona bati soldata ordaintzeko».
Ardura utzi zuen politikari bat izate hutsagatik egin zitzaizkion ordainketak Cabiecesi, nabarmendu dutenez.
Zentzu horretan, adierazi dute «berriro ere» egiaztatu dela delituek «bultzada politikoa» izan zutela. «Mario Fernandezen deklarazioen arabera, esangura politiko handiko pertsonek Cabiecesi soldata ordaintzeko bideak aurkitzeko beharra adierazi zioten», azaldu dute.
Bereziki salatu nahi izan dute bidegabeko jabetze delituak kutxen pribatizazioaren testuinguruan gertatu zirela. «Pribatizazioa oinarri bat izan da gauza hauek gertatu ahal izateko», salatu dute.
Epaiarekin poztu egin diren arren, «bultzatzaile politikoek aurpegia eman dezatela eta behingoz estrategia negargarri honi amaiera ematea» exijitzen jarraituko dutela ohartarazi dute.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Piratak](/media/asset_publics/resources/001/137/746/article_thumb_horizontal/piratak.jpg)
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
![Atristain](/media/asset_publics/resources/001/134/948/article_thumb_horizontal/Atristain.jpg)
El donostiarra Xabier Atristain queda en libertad condicional tras 13 años preso
![Keyframemugu](/media/asset_publics/resources/001/138/892/article_thumb_horizontal/keyframemugu.jpg)