![Santutxuko atletak Udaletxean. (Bilboko Udala)](/media/asset_publics/resources/000/380/333/article_main_landscape/santutxu.jpg)
Bilboko Udalak harrera egin die ostiral honetan BM Bilbao Atletismo Santutxu taldeko emakumeei, udaletxean, Oihane Agirregoitia Gazteria eta Kirol zinegotzia buru zela. Europako Kroseko txapeldunordeak izan dira senior kategorian eta txapelketa horretako azken bost podiumetan egon den Europako talde bakarra da.
Horrez gain, sei aldiz txapeldunak izan dira estatu mailan kros luze seniorrean, eta, horrela, Espainiako Atletismo Errege Federazioan marka berria lortu dute lehiaketa horretan ondoz ondoko sei txapelketa irabazita.
Iazko garaipen zerrenda beste titulu batzuekin osatu dute taldeko neskek. Hain zuzen, Euskadiko eta Bizkaiko txapeldunak krosean, emakume beteranoen kategorian; Euskadiko txapeldunak kros luzean, promesa mailan, kros luze seniorrean eta kros labur seniorrean; Bizkaiko txapeldunak krosean, kadete, promesa eta senior mailetan.
Gazteria eta Kiroleko zinegotziak Santutxuko klubak hirian kirol hau sustatzeko egiten duen lana eskertu du. Ildo horretan, urtero antolatzen duen Bilboko Nazioarteko Atletismo Miliaren 13. edizioa jokatuko da larunbatean, apirilaren 1ean. Kale Nagusia lasterketen programaren eszenatokia izango da. Proba honetan atleta federatuek eta amateurrek, kirolari federatuek eta herrikoiek parte hartu ahal dute, 11 kategoriatan banatuta.
Santutxuko taldeak 1986tik sustatzen du atletismoa, ekitaldiak antolatuz eta nazioarte, estatu eta lurralde mailetako lehiaketetan parte hartuz. Klubak atletismo eskola bat dauka Zorrotzan, umeen eta gazteen artean atletismoa sustatzeko.
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)