Helmugara iritsi den bost txirrindularik osatutako talde batean azkarrena izan da Valverde (Movistar), eta haren atzetik, denbora berdinarekin, sartu dira Rigoberto Uran kolonbiarra (Cannondale), Romain Bardet frantziarra (AG2R), Louis Menitjes hegoafrikarra (UAE Abu Dhabi) eta Michael Woods kanadiarra (Cannondale).
Alberto Contador (Trek) seigarren postuan iritsi da, hiru segundura.
Azken kilometroan erori egin da Samuel Sanchez (BMC), etapa garaipenarengatik borrokan ari zela. Ion Izagirrek (Bahrain Merida) eta Sergio Luis Henaok (Team Sky) hamabost segundu galdu dituzte.
Lidergoan zegoen David de la Cruz txirrindulari katalanak (Quick Step), 22 segundu utzi ditu helmugan.
Azken sei kilometroetan salbu, ez du apenas aipatzekorik utzi bosgarren etapa honek. Bukaerako zatian, Matsariatik igo dira Arratera, tarteka %15eko desnibelarekin.
Espero zen bezala, bihar, larunbatarekin, erabakiko da Itzulia, azken etapako erlojuaren aurkakoan. Eibar inguruan ibili beharko dute txirrindulariek, 27 kilometroko erlojupekoan. Lehen 7,5 kilometroetan Elgeta igoko dute, ondoren 3,5 kilometrotan jaitsiera zail bat izango dute aurretik eta, azkenik, 16 kilometro izango dituzte trebeenek.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Modifican el memorial de Bilbo para denunciar que Cabacas fue «asesinado por la Ertzaintza»
