Paul Auster idazle estatubatuarrak “4 3 2 1” izenburuko eleberri berria aurkeztuko du Bilboko Alondegian irailaren 6an, Europan zehar egingo duen biraren barruan. Ekitaldia eraikineko auditoriumean izango da, 19.30etik aurrera, eta sarrerak eskuragarri daude Infopuntuan eta www.azkunazentroa.eus webgunean.
AEBetako egungo idazlerik handienetakoa da Paul Auster (New Jersey, AEB, 1947), eta oso lan ezagunak egin ditu, tartean New Yorkeko trilogia. Columbian egin zituen ikasketak, eta, literaturan lizentziatu ondoren, Parisera joan zen. Itzultzaile lana egin zuen bertan, 1974an AEBetara itzuli zen arte. Ordutik Brooklynen bizi da, eta literaturan jardun du.
Bere lanetan, Austerrek filosofiatik eta existentzialismotik hurbil dauden gaiak nahasten ditu, maiz errealismo magikora hurbiltzen diren bilbeekin. Hainbat liburu arrakastatsu idatzi ditu, besteak beste, “City of Glass”, “Ghosts”, “In the Country of Last Things”, “Moon Palace” eta “Leviathan”.
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Casi todos los incidentes imaginables se suceden en un encierro de la villavesa lento e irreal
Dos bestazales violentamente atacadas por defender a un hombre de una agresión
