Enpresa batzordea eta zuzendaritza asteazkenean bildu ziren baina ez ziren akordio batera iritsi, eta ondorioz grebak aurrera jarraituko duela jakinarazi zuen ELAk. Eulen enpresarenak dira zerbitzuen esleipenak, eta sindikatuak adierazi zuenez, beraien azken eskaintza ez da «inondik inora ere nahikoa, ez du balio langileek pairatzen duten prekaritateari amaiera emateko». Ohartarazi dutenez, zuzendaritzak ez du antzinatasuna onartzen, soldata proposamenak prekarioak dira eta langileen %60 behin-behinekoak dira. Hau salatzeko, gaur 12.30ean ikatz zaku bat eramango dute Aldundira Meltxor, Gaspar eta Baltasar errege magoek, langileen izenean.