![Berazubi elkarteko kideek bota dute aurten txupinazoa.](/media/asset_publics/resources/000/470/343/article_main_landscape/tolosa-txupinazo.png)
Eguerdian Udaletxeko balkoitik bota duten txupinazoarekin lehertu da festa Tolosan. Gaur hasi eta asteartera arte, sei egunetan egunerokoak alde batera utzi eta mozorroen festan murgilduko dira.
Egunotan Udalaren «ardura» hartzen duen Kabi Alai elkarteak Berazubi elkartea izendatu du aurten Inauterizale Kuttuna, eta elkarte horretako Arantxa Calvok eta Ana Ardanazek jaurti dute suziria, jendez lepo zegoen Plaza Zaharrean. Berazubiko nazarenoak eta legionarioak prozesioan iritsi dira aurrena Udaletxera, eta balkoian beste gonbidatu berezi bat ere izan dute: Juan Carlos Borboikoa, espainiar errege emeritua. Berazubi auzoa independente deklaratu du.
Txupinazo ofiziala eguerdian bota duten arren, azken 28 urteotan bezala gauerdia jo orduko txupinazo goiztiarra bota du Vista Alegre txarangak Trianguloan eta lehen inauteri doinuekin gozatzeko aukera izan dute bertaratu direnek.
Berrikuntzak
Aurten hainbat berrikuntza izango da, hauen artean garrantzitsuena karroza eta konpartsen ibilbidea herriko beste hainbat kaleetara zabalduko dela. Horrela, Rondilla kalea eta San Francisco pasealekutik haratago, zezen plaza inguruko Oria kalean, Nafarroa etorbidean eta Foruen etorbidean kokatuko dira euren emanaldiak eskaintzeko.
Guztira 77 karroza eta konpartsa eta 1.400 haur inguruk koloreztatuko dituzte Tolosako kaleak jai egun hauetan.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)