‘Taup!’ lelopean egingo da aurtengo Ibilaldia jaia. Maiatzaren 27an, Santurtziko Bihotz Gaztea ikastolak antolatuko du. Gaur aukeztu dute leloa eta, azpimarratu dutenez, «ikastolaren irudiarekin, esanahiarekin, ilusioarekin, grinarekin eta pasioarekin bat egiten du».
Era berean, «martxan, taupaka» dagoen hezkuntza proiektua dela adierazi nahi dute eta «barruari, hau da, sentimenduei» begiratzen dien egitasmoa ere badela. «Ikastola herrian sakon errotuta dagoenez», Santurtziko ikureta elementu nagusia den sardinaren protagonismoa ere handia da, bihotzaren barruan irudikatuta.
Bizkaiko ikastolen aldeko jaialdia helburu desberdinekin antolatuko dute. Ikastolaren bitartez «euskara ponpatzen duen bihotza» izan nahi dute eta, gainera, hau antolatzeak «barruko kohesioa handitu eta Santurtziko eragileekin elkarlana sendotzen» lagunduko duela nabarmendu dute. Baina ez dute ahaztu honen helburu nagusietako bat dirua biltzea dela, «aurreikusten dugun proiektua elikatuko duen azpiegitura aurrerakoia eratzeko».
Kanta, Sustrai Colina, Ze Esatek! eta La Basuren eskutik
Jaiari doinua jartzeaz Ze Esatek! taldea arduratu da, La Basuren kolaborazioarekin batera. Letra, aldiz, Sustrai Colina bertsolariak sortu du. «Aditzera ematen du ikastolak Santurtzin dituen erro sendoak. Ikastola bat, azken finean, ilusioa konpartitzen duen pertsonen taldea da», azaldu dute.
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)
Electos de Maule ceden parte de su asignación para apoyar a los atletas olímpicos palestinos
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)
Dos detenidos en Iruñea acusados de agredir a un seguidor de la selección española
![Memoriala](/media/asset_publics/resources/001/142/877/article_thumb_horizontal/memoriala.jpg)
Gasteizko Oroimen Zentroari Urrezko Domina «iraingarria eta umiliagarria» dela salatu dute
![Gasteiz](/media/asset_publics/resources/001/143/230/article_thumb_horizontal/Gasteiz.jpg)